S: 562 4250
Seiðakvísl 24, 110 Reykjavík
124.900.000 Kr.

Seiðakvísl 24.
Lýsing.

Einstakt fjölskylduhús á frábærum stað, rétt við Elliðaárdalinn. 4-5 svefnherbergi, 3 baðherbergi, opið og bjart eldhús og stofur. Góður bílskúr með miklu geymslurými. Örstutt í leikskóla og grunnskóla. Frábær staðsetning á höfuðborgarsvæðinu. Rétt við útivistarperluna í Elliðaárdal. 


Samkvæmt fasteignaskrá er húsið skráð 254,2fm, en í kjallara þess er um 115fm rými sem mætti fá skráð sem íbúðarfermetra. Þar er eldhús og bað.
Undir bílskúr er einnig loftræst rými sem nýtist sem geymsla.

Allar upplýsingar gefur Smári Jónsson, löggiltur fasteignasali í síma 864-1362 eða smari@fjarfesting.is

Nánari lýsing neðri hæð :
Komið er inn í flísalagt anddyri. Þar er sérsmíðaður fataskápur með miklu geymsluplássi.
Opið er í gegnum alla neðri hæðina sem gerir hana mjög bjarta. Í öðrum endanum er eldhús og borðstofa.
Eldhúsið var endurnýjað 2005 og er með sérsmíðaðri innréttingu (hvíttuð eik) frá Eldhúsval. Granít-borðplötur eru í eldhúsinu. Tæki eru frá AEG. Kæliskápur getur fylgt.
Inn af eldhúsi er búr. Á neðri hæðinni, sér inngangur, er snyrting með sturtu (endurnýjuð á sama tíma og eldhús).
Við hlið borðstofu er þvottaherbergi. Þar er gott pláss fyrir þvottavélar og einnig talsvert geymslupláss. Hægt er að ganga út í garð úr því rými.
Inn í stofu er tvöföld hurð. Stofan er rúmgóð og björt. Arinn skilur að stofu og garðskála. Úr garðskála er gengið út í garðinn og út á verönd. Flísar eru á öllum gólfum á neðri hæðinni.

Á efri hæðinni eru fjögur stór svefnherbergi, öll með fataskápum. Hluti af efri hæðinni er nýtt sem sjónvarpshol, en þar mætti gera fimmta svefnherbergið. Á efri hæðinni er baðherbergi með baðkari. Rör fyrir óhreinan þvott er frá baðherbergi niður í þvottaherbergi.
Viðarparket (upprunalegt) er á öllum herbergjum á efri hæðinni. Flísar á baðgólfi.

Bílskúrinn er tæpir 40fm og með góðri lofthæð. Geymsluloft er yfir skúrnum að hluta. Undir öllum bílskúrnum er manngengt geymslurými (uþb. 2m lofthæð). Stórir gluggar eru í bílskúr, þannig að auðvelt væri að gera herbergi eða litla íbúð í skúrnum. Gönguhurð er frá garðinum í skúrinn.

Um húsið:
Húsið er byggt úr forsteyptum einingum frá Loftorku, Borgarnesi. Húsið hefur alla tíð fengið gott viðhald. Skipt var um þakjárn fyrir um 20 árum. Búið er að klæða suðursvalir á húsinu (yfir garðskála). Húsið var yfirfarið og málað að að stærstum hluta í sumar (2019). Snjóbræðsla (lokað kerfi með frostlegi) er í bílaplani (ca. 2005). Húsið hefur alla tíð verið í eigu sömu aðila - sem byggðu einnig húsið.
Allar nánari upplýsingar og pöntun á skoðun er hjá:
Smári Jónsson. löggiltur fasteignasali, sími 864-1362
Smari@fjarfesting.is

Um skoðunarskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum.
Fjárfesting Fasteignasla bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.
Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlufall af fasteignamati. Stimilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
  • Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.000,- fyrir hvert skjal.
  • Lántökugjald lánastofnunar. Um lántökugjald vísast í gjaldskrá viðkomandi lánveitanda.
  • Umsýsluþóknun fasteignasölu skv. gjaldskrá.

Tegund:
Einbýli
Stærð:
372 fm
Herbergi:
8
Stofur:
2
Svefnherbergi:
5
Baðherbergi:
3
Inngangur:
Sameiginlegur
Byggingaár:
1986
Lyfta:
Nei
Fasteignamat:
86.900.000
Brunabótamat:
78.300.000
Áhvílandi:
0